ભારતની ૧૦ સૌથી ધનવાન વ્યક્તિઓ (૨૦૧૬)

૧. ફોર્બ્સ ઇન્ડિયા દ્વારા જાહેર કરેલી યાદી મુજબ ભારતની સૌથી ધનવાન વ્યક્તિ મુકેશ અંબાણી છે,

મુકેશ અંબાણી ની કુલ સંપત્તિ ૨૨.૭ બિલીઅન ડોલર એટલે કે આશરે ૧,૫૨,૦૯૦ કરોડ રુપીયા છે, (નોંધ: $૧= ₹૬૭)

ઉંમર- ૫૯ વર્ષ,
રહેઠાણ- મુંબઇ,
સ્ત્રોત- રિલાયન્સ ઇન્ડસ્ટ્રીઝ.

૨. આ યાદીમાં બીજું સ્થાન સન ફાર્માના માલિક દિલીપ સંઘવીનું છે,

દિલીપ સંઘવીની કુલ સંપત્તિ ૧૬.૯ બિલીઅન ડોલર છે (₹૧,૧૩,૨૩૦ કરોડ),

ઉંમર- ૬૦ વર્ષ,
રહેઠાણ- મુંબઈ,
સ્ત્રોત- સન ફાર્મા ( pharmaceutical).

૩. આ યાદીમાં ત્રીજું સ્થાન હિન્દુજા બ્રધર્સનું છે, હિન્દુજા ગ્રુપ ચાર ભાઈઓ શ્રીચંદ, ગોપીચંદ, પ્રકાશ અને અશોક દ્વારા ચાલે છે,

 હિન્દુજા બ્રધર્સની કુલ સંપત્તિ ૧૫.૨ બિલીઅન ડોલર છે (₹૧,૦૧,૮૪૦ કરોડ),

સ્ત્રોત: હિન્દુજા ગ્રુપ,
રહેઠાણ: લંડન, જીનીવા, મુંબઈ.


૪. આ યાદીમાં ચોથું સ્થાન વિપ્રોના ચેરમેન અઝીમ પ્રેમજીનું છે,

અઝીમ પ્રેમજીની કુલ સંપત્તિ ૧૫ બિલીઅન ડોલર છે (₹૧,૦૦,૫૦૦ કરોડ),

ઉંમર: ૭૧ વર્ષ,
રહેઠાણ: બેંગ્લોર,
સ્ત્રોત: ઇન્ફોર્મેશન ટેક્નોલોજી (વિપ્રો).


૫. આ યાદીમાં પાંચમું સ્થાન પલ્લોનજી મિસ્ત્રીનું છે,

પલ્લોનજી મિસ્ત્રીની કુલ સંપત્તિ ૧૩.૯ બિલીઅન ડોલર છે (₹૯૩,૧૩૦ કરોડ),
ઉંમર: ૮૭ વર્ષ,
રહેઠાણ: મુંબઈ, લંડન.


૬. છઠા સ્થાને લક્ષ્મી મિત્તલ છે,

લક્ષ્મી મિત્તલની કુલ સંપત્તિ ૧૨.૫ બિલીઅન ડોલર છે (₹૮૩,૭૫૦ કરોડ),

ઉંમર- ૬૬ વર્ષ,

સ્ત્રોત- સ્ટીલ,

રહેઠાણ- લંડન.

૭. આ યાદીમાં સાતમો ક્રમાંક ગોદરેજ પરિવારનો (godrej family) છે, (આદિ ગોદરેજ, નાદીર ગોદરેજ, જમસીદ ગોદરેજ)

ગોદરેજ પરિવારની કુલ સંપત્તિ ૧૨.૪ બિલીઅન ડોલર છે (₹૮૩,૦૮૦ કરોડ),

સ્ત્રોત- કંસુમર ગુડ્સ, રિઅલ એસ્ટેટ,

રહેઠાણ- મુંબઇ.

૮. આ યાદીમાં આઠમા સ્થાને શિવ નાદર છે,

શિવ નાદરની કુલ સંપત્તિ ૧૧.૪ બિલીઅન ડોલર છે (₹૭૬,૩૮૦ કરોડ),

ઉંમર: ૭૧ વર્ષ,

સ્ત્રોત: ઇન્ફોર્મેશન ટેક્નોલોજી (HCL),

રહેઠાણ: દિલ્હી.

૯. નવમું સ્થાન કુમાર બિરલાને મળ્યું છે,

કુમાર બિરલાની કુલ સંપત્તિ ૮.૮ બિલીઅન ડોલર છે (₹૫૮,૯૬૦ કરોડ),

ઉંમર- ૪૯ વર્ષ,

સ્ત્રોત- કમોડિટી (Aditya birla group),

રહેઠાણ- મુંબઈ.

૧૦. આ યાદીમાં દસમા સ્થાને સાયરસ પૂનાવાલા છે,

સાયરસ પૂણાવાલાની કુલ સંપત્તિ ૮.૬ બિલીઅન ડોલર છે (₹૫૭,૬૨૦ કરોડ),

ઉમર- ૭૫ વર્ષ,

સ્ત્રોત- vaccines (serum institute of India),

રહેઠાણ- પુણે (Pune).

મિત્રો આ છે ફોર્બ્સ ઇન્ડિયા દ્વારા જાહેર કરવામાં આવેલી સૌથી ધનવાન વ્યક્તિઓની યાદી, ફોર્બ્સ મેગેઝિન દર વર્ષે આ યાદી બહાર પાડે છે,

આવાજ અવનવા લેખ માટે ગૂગલ પલ્સ અને ફેસબુક ઉપર મને ફોલૉ કરો, અને આ લેખ વોટ્સએપ, ફેસબૂક, ટ્વિટર અને ગૂગલ પ્લસ દ્વારા શૅર કરો, તમે નીચે કૅમેન્ટ બોક્સમાં અભિપ્રાય આપી શકો છો.

જય હિન્દ

મારી ફેસબૂક પ્રોફાઈલ 👉 Erdilip

Apple iPhone7 શુ છે નવું ?

   મિત્રો ગઇ કાલે એપ્પલ કંપનીએ Apple iPhone 7 લોન્ચ કર્યો, આ લેખમાં આપણે જોઈશું iPhone 7 માં નવું શુ છે.

          સૌથી પહેલા જોઈશું દેખાવ, એપ્પલે iPhone 7 નાં લુકમાં વધારે બદલાવ કર્યો નથી, નવો આઇફોનનોઁ દેખાવ iPhone 6 અને iPhone 6s ને મળતો આવે છે, નવી વાત એ છે કે હોમ બટનમાં થોડો બદલાવ કર્યો છે અને તમને નવા આઈફોનમાં 3.5mm નું ઓડિયો જેક જોવા નહીં મળે.

આ વર્ષે આઈફોન બે નવા કલરમાં ઉપ્લબ્ધ થશે, બ્લેક અને જેટ બ્લેક આ બે નવા કલર છે આમાંથી જેટ બ્લેકનો દેખાવ ખરેખર ખુબજ સરસ છે, સાથે ગોલ્ડ, રોસ ગોલ્ડ, સિલ્વર આ કલર પણ ઉપલબ્ધ હશે.

     

          આઈફોન ૭  વૉટર અને ડસ્ટ રેસિસ્ટંસ છે, છેલ્લાં બે વર્ષની જેમ આ વર્ષે પણ એપ્પલે બે મોડલ રજુ કર્યા છે Apple iPhone 7 અને Apple iPhone 7 plus અને આ વખતે 16gb અને 64gb નાં તમને આઈફોન જોવા નહી મળે, આ વખતે 32gb, 128gb અને 256gb નો વિકલ્પ મળશે.
    એપ્પલ નો દાવો છે કે આઈફોન ૭ નો કેમેરો અત્યાર સુધી આવેલા બીજા આઈફોન કરતાં સૌથી વધારે સારો છે, જે ફોટોગ્રાફી પ્રેમી માટે સારી વાત છે, iPhone 7 Plus માં 12mp વાઈડ એંગલ અને ટેલિફોટો કેમેરા (ડ્યૂલ કેમેરો) છે, જ્યારે iPhone 7 માં 12mp કેમેરો છે, સેલ્ફી માટે બન્નેમાં 7mp નો કેમેરો છે.
    નવા આઈફોનમાં A10 fusion 64bit ની પ્રોસેસર છે અને M10 કો-પ્રોસેસર છે, આઈફોન ૭ આઈફોન ૬એસ કરતાં બે ગણો ઝડપી હશે અને બેટરી લાઈફ પણ સારી હશે,  iPhone 7 માં એપલનું નવું ઓ.એસ iOS10 હશે અને પ્રથમ વખત આઈફોનમાં સ્ટીરિયો સ્પીકર આવયું છે આના સિવાય બાકી બધુ આઈફોન 6s જેવુંજ છે (ફિંગર પ્રિન્ટ, 3D touch etc).

   ઘણા દેશોમાં આઈફોનનું બુકિંગ ૯ સપ્ટેમ્બરથી ચાલુ થશે ભારતમાં આવતા મહિનાથી બુકિંગ ચાલુ થશે અને કિંમત અંદાજે ₹૬૦,૦૦૦થી શરુ થશે (એપલે હજી ભારતમાં  સત્તાવાર રીતે કિંમત જાહેર નથી કરી અને યુ.એસ.એ માં$649-$969 ની રેંજમાં આઈફોન મળશે).
   આઈફોન પાસેથી લોકોને ઘણી અપેક્ષા હોય છે પરંતું દેખીતી રીતે આ વખતે કેમેરાને છોડીને નવા આઈફોનમાં કઈ નવું નથી, જો હરીફાઈમાં રહેવું હોયતો એપ્પલ કંપનીએ કંઇક નવું આપવું પડશે, ભારતને છોડીને બાકી બીજા દેશોમાં એપ્પલનો માર્કેટ હિસ્સો સતત ઓછો થઈ રહ્યો છે અને ભારતમાં પણ હરીફાઈમાં ટકવા આઈફોનની કિંમત ઓછી રાખવી જોઈએ એમ પણ દર મહિને બે મહિને સારા બજેટ ફોન માર્કેટમાં આવતા જ હોય છે આપનો શુ અભિપ્રાય છે?

રિલાઈન્સ જીઓ વિશે થોડી માહિતી

મિત્રો રિલાઈન્સ જીઓનાં પ્રિવ્યુ ઑફર વિશે તમને ખબરજ હશે, ઘણા લોકો ને જીઓનું સિમ કાર્ડ પણ મળી ગયુ હશે અને આ ઑફરનો લાભ પણ લઈ રહયા હશે, જો તમારી પાસે કયો પણ ૪-જી મોબાઈલ હશે તો તમને પણ જીઓનું સિમ કાર્ડ મફતમાં મળશે અને ૯૦ દિવસ સુધી unlimited data, call, અને sms પણ મળશે, આ સાથે જીઓ apps નું subscription ફ્રીમાં મળશે (JioMags, JioCinema, JioTV, JioMusic etc).

જો તમને જીઓનુ સિમ કાર્ડ મળ્યું હોય અને ચાલુ ન થયુ હોય તો ચિંતા નહીં કરો સિમ ચાલુ થતા ૭-૮ દિવસનો સમય લાગે છે, મે ૨૬-૦૮ ના દિવસે સિમ કાર્ડ લીધુ અને ૦૨-૦૯ ના રોજ સિમ ચાલુ થયાનો મેસેજ આવ્યો, જો તમારા મોબાઇલમાં VoLTE support ન હોય તો તમને JioJoin app download કરવી પડશે અને તમે આ એપ દ્રારા કૉલ અને મેસેજ કરી શકશો.

 મિત્રો હુ છેલ્લા બે દિવસથી જીઓનું સિમ કાર્ડ વાપરુ છુ, ઇન્ટરનેટ ની સ્પીડ ઘણી સારી છે, ક્યારેક નેટવર્ક નો પ્રોબ્લેમ થાય છે આજે સવારેજ જીઓનું નેટવર્ક ન હતુ થોડી વાર પછી આવી ગયુ હતુ, વોઇસ કૉલ કવોલિટી એકદમ સારી નથી, અને ઘણી વખત કૉલ લાગતા નથી, જ્યારે લોકો પૈસા આપવાના ચાલુ કરશે ત્યારે તેઓ આ ચલાવી નહીં લેશે,આશા રાખીયે કે આવનારા સમયમાં જીઓ આના ઉપર ધ્યાન આપશે અને ગુણવત્તા પણ વધારશે.

જીઓ ઑફર સાથે જે applications મળી રહી છે ખરેખર ઘણી કામની છે, મને JioMags સૌથી વધારે ગમી, આમા ધણી બધી ભાષાઓના મેગેઝિન ઉપલબ્ધ છે, (ગુજરાતી ભાષામાં - ચિત્રલેખા, અભિયાન, ચંપક વગેરે ઉપલબ્ધ છે.), JioTV, JioCinema, JioMusic, JioExpressNews વગેરે પણ સારી એપસ છે.

પ્રિવ્યુ ઑફર પછીનાં જે પ્લાન છે તે પણ ઘણા આકર્ષક છે, સૌથી સસ્તો પ્લાન ₹૧૪૯ નો છે અને મોંઘો ₹૪૯૯૯ નો છે, જીઓના પ્લાનમાં સૌથી સારી વાત એ છે કે વોઇસ કોલિંગ માટે અલગથી પૈસા આપવા નહી પડે.

  મિત્રો તમારા અભિપ્રાયો અને પ્રશ્નો કમેન્ટ બોક્સમાં આપી શકો છો.

Olympics Games- ભારત અને વિશ્વ

       મિત્રો આજથી રિયો ઓલિમ્પિક- ૨૦૧૬ ની શરુવાત થઈ ગઈ છે. ચાલો તો જાણીએ ઓલિમ્પિક રમતોત્સવના રોચક તથ્યો.

• પ્રથમ ઓલિમ્પિક રમતોત્સવ ૧૮૯૬ માં એથેંસ (ગ્રિસ)  ખાતે થયો હતો, ભારતે પ્રથમ વખત ૧૯૦૦ પેરિસ (ફ્રાંસ) ઓલિમ્પિક રમતોત્સવમાં સહભાગ લીધો હતો.

• ગ્રેટ બ્રિટન, ફ્રાંસ, સ્વિટ્ઝર્લૅન્ડ અને ગ્રિસ આ ચાર એવા દેશ છે જેણે અત્યાર સુધીની દરેક ઓલિમ્પિક ગેમ્સમાં સહભાગ લીધો છે.

• ભારતે ૨૩ વખત આ રમતોત્સવમાં સહભાગ લીધો છે (રિયો ઓલિમ્પિકને ગણીને ૨૪ વખત).

• ૨૦૧૬-રિયો ઓલિમ્પિકમાં કુલ ૨૦૬ દેશના રમતવીરો સહભાગ લેવાના છે , આમા ૭૫ એવા દેશ છે જેણે અત્યાર સુધી ઓલિમ્પિકમાં એકપણ પદક જીત્યુ નથી.

• અત્યાર સુધી કુલ ૧૪૭૧૪ પદકો રમતવીરોને આપવામાં આવ્યા છે, (સ્વર્ણ-૪૮૦૯, રજત-૪૭૭૩, કાંસ્ય-૫૧૩૦).

• સૌથી વધુ પદક અમેરીકા સંયુક્ત રાજ્ય (USA)એ જીત્યા છે, (સ્વર્ણ-૯૭૬, રજત-૭૫૭, કાંસ્ય-૬૬૬ કુલ-૨૩૯૯).

• ભારતે અત્યાર સુધી કુલ ૨૬ પદક જીત્યા છે, (સ્વર્ણ-૯, રજત-૬, કાંસ્ય-૧૧).

• એકજ ઓલિમ્પિક ગેમ્સમાં સૌથી વઘુ પદક જીતવાનો રેકોર્ડ પણ USA ના નામે છે,  ૧૯૦૪ માં (સેન્ટ લ્યુઇસ મિસૌરી) કુલ ૨૩૯ મેડલ USA એ જીત્યા હતા.

• ભારતે સૌથી વધુ પદક ૨૦૧૨ (લંડન) ઓલિમ્પિકમાં મળ્યા છે (રજત-૨, કાંસ્ય-૪,  કુલ-૬).

• ઇયાન મીલરના નામે સૌથી વઘુ ૧૦ વખત ઓલિમ્પિક રમતોત્સવમાં સહભાગ લેવાનો રેકોર્ડ છે,(૧૯૭૨,૧૯૭૬,૧૯૮૪ થી ૨૦૧૨) , દેશ- કેનેડા, રમત- અશ્વારોહણ (Equestrian).

• ભારતના લિયેન્ડર પેસનો આ ૭ મો ઓલિમ્પિક રમતોત્સવ છે (૧૯૯૬ થી ટેનિસમાં ભારતનુ પ્રતિનિધિત્વ કરે છે).

• સૌથી વધુ વ્યક્તિગત પદક જીતવાનો રેકોર્ડ USA ના માઈકલ ફેલ્પ્સ ના નામે છે. (સ્વર્ણ-૧૮, રજત-૨, કાંસ્ય-૨ કુલ-૨૨, રમત-Swimming)

• ભારતને સૌથી વધુ મેડલ ફિલ્ડ હોકીમાં (સ્વર્ણ-૮, રજત-૧, કાંસ્ય-૨, કુલ-૧૧) જીત્યા છે.

• ભારત તરફ થી સૌથી વધુ વ્યક્તિગત મેડલ જીતવાનો રેકોર્ડ નોર્મન પ્રીટ્ચાર્ડ (કુલ-ર રજત પદક,  વર્ષ-૧૯૦૦ અને ૧૯૦૪, રમત-એથલેટિક્સ) અને સુશીલ કુમારના (વર્ષ ૨૦૦૮- કાંસ્ય પદક, વર્ષ ૨૦૧૨- રજત પદક, રમત- કુસ્તી) નામે છે.

• ભારત તરફથી વ્યક્તિગત સ્પર્ધામાં સૌપ્રથમ અને એકમાત્ર સ્વર્ણ પદક જીતવાનો રેકોર્ડ અભિનવ બિન્દ્રાના નામે છે (વર્ષ-૨૦૧૨, રમત-shooting)

• ઓલ્પિકમાં પદક મેળવનાર પ્રથમ ભારતીય મહિલાનુ ગૌરવ કર્ણામ મલ્લેશ્વરી ના નામે છે. (વર્ષ-૨૦૦૦, કાંસ્ય પદક, રમ્ત- Weightlifting).

• ૨૦૧૬ ઓલિમ્પિકમાં ભારતના રેકોર્ડ ૧૨૦ રમતવીરો સહભાગી થવાના છે.

વ્યક્તિગત સ્પર્ધામાં ભારતનો દેખાવ :

સ્વર્ણ પદક- 

૧. અભિનવ બિન્દ્રા (વર્ષ-૨૦૧૨, રમત-shooting).

રજત પદક-

૧. નોર્મન પ્રીટ્ચાર્ડ (વર્ષ-૧૯૦૦, રમત- Men's 200 metres).

૨. નોર્મન પ્રીટ્ચાર્ડ (વર્ષ-૧૯૦૪, રમત-Men's 200 metre hurdles).

૩. રાજ્યવર્ધન સિંહ રાઠોડ (વર્ષ-૨૦૦૦, રમત-shooting).

૪. વિજ્ય કુમાર (વર્ષ-૨૦૧૨, રમત-shooting).

૫. સુશીલ કુમાર  (વર્ષ-૨૦૧૨, રમત-wrestling).

કાંસ્ય પદક-

૧. ખાસબા દાદાસાહેબ જાધવ (વર્ષ-૧૯૫૨, રમત-wrestling).

૨.લિયેન્ડર પેસ (વર્ષ-૧૯૯૬, રમત- ટેનિસ).

૩. કર્ણામ મલ્લેશ્વરી (વર્ષ-૨૦૦૦, રમત-Weightlifting).

૪. વિજેન્દ્ર સિંહ (વર્ષ-૨૦૦૮, રમત- Boxing).

૫. સુશીલ કુમાર  (વર્ષ-૨૦૦૮, રમત-wrestling).
૬. સાઈના નેહવાલ (વર્ષ-૨૦૧૨, રમત-badminton).

૭. મેરી કોમ (વર્ષ-૨૦૧૨, રમત-Boxing).

૮. ગગન નારંગ (વર્ષ-૨૦૧૨, રમત-shooting).

૯. યોગેશ્વર દત્ત (વર્ષ-૨૦૧૨, રમત-wrestling).

સિક્કિમ- ભારતના બીજા રાજ્યો માટે એક રોલ મૉડલ...

         મિત્રો તમને ખબર હશે ગત નવેમ્બંર ૨૦૧૫ માં કેન્દ્ર સરકારે ૦.૫ ટકા નો સર્વિસ ટૅક્સ વધાર્યો હતો, આ ટૅક્સ એટલે સ્વચ્છ ભારત સેસ કર, આ ટૅક્સથી એક વર્ષમાં ૧૦,૦૦૦ કરોડ રુ. જમા થવાનો અંદાજ છે, અત્યાર સુધી તો અંદાજે ૭૫૦૦ કરોડ રુ સરકારી તિજોરીમાં જમા પણ થઈ ગયા હશે, હવે આ પૈસા નો સરકારે કઈ રીતે ઉપયોગ કર્યો છે અને ભવિષ્યમાં કઈ રીતે ઉપયોગ કરશે એના વિશે મને કઈ ખબર નથી, હવે મિત્રો આપણે મુદ્દા પર આવીએ તમને ખબર છે શા માટે સિક્કિમ ભારતના બીજા રાજ્યો માટે એક રોલ મૉડલ છે? એનુ કારણ એ છે કે ફક્ત વાતો અને જાહેરાત કરવાને બદલે આ રાજ્યએ પ્રકૃતિના સરંક્ષણ અને સ્વચ્છતા માટે સફળતાપૂર્વક  નીતિનો અમલ કરી બતાવ્યો છે,

           હવે થોડી સિક્કિમ વિશે માહિતી,પહાડોથી ધેરાયેલુ રાજ્ય,  પશ્ચિમમાં નેપાળ, ઉત્તર અને પૂર્વમાં ચીન, દક્ષિણ-પૂર્વમાં ભૂતાન સરહદથી જોડાયેલુ રાજ્ય, રાજ્ય નું પાટનગર ગંગટોક છે, એક વખત કોઈ સિક્કિમ જઈ આવે પછી તેના વખાણ કરવામા થાકે નહી એવુ પર્યટક સ્થળ છે, કુદરતી સૌંદર્ય એટલુ છે કે એક વખત ત્યા ગયા પછી પાછા આવ્વાનુ મન ન થાય, તાશી વ્યુ પોઈન્ટ , હનુમાનટોક , રૂમટેક મોનેસ્ટેરી , ગણેશટક , બેન્જાખરી ફોલ્સ , બોટાનીકલ ગાર્ડન , ઈન્સ્ટીટ્યુટ ઓફ ટીબેટોલોજી , ફ્લાવર શો ,હેન્ડીક્રાફ્ટ સેન્ટર,વન સીસ્ટર વોટર ફોલ્સ ,સીંગહીક વ્યુ પોઈન્ટ ,નાગા વોટર ફોલ્સ અને ચંગુ સરોવર વગેરે જોવાલાયક સ્થળો છે,

                   આ રાજ્ય ભારતના બીજા રાજ્ય કર્તા એકદમ જ અલગ છે, અહીની બજારોમાં ફરીયે તો એવુ લાગે કે આપણે વિદેશ માં ફરી રહ્યા છે,લોકોની રહેણીકરણી અને પહેરવેશ પણ ઉચ્ચ કક્ષા નો છે, અહી ના લોકો સ્વભાવ પણ એકદમ શાંત અને હંમેશા મોઢા પર સ્મિત, વેપારી લોકો પણ આપણે વસ્તુ લઇએ કે ન લઇએ એકદમ પ્રેમ અને સંયમથી વાત કરવા વાળા, અહિના લોકો ને જોતા એવુ લાગે કે માનસિક તણાવ, બ્લડ પ્રેશર વિશે આ લોકોને કઈ ખબરજ  નહિ હશે.

              ૨૦૧૪-૧૫ માં સિક્કિમનો પ્રવાસ મે કર્યો હતો, અમારી બસ સિક્કિમની સરહદે પહોચવાની હતી એ પહેલા ગાઈડે એક ઘોષણા કરી કે બસની બહાર કચરો ફેકતા નહી અને થુકશો નહી અને આમ જે કરશે એને ૧૫૦૦૦ રુ. નો દંડ ભરવો પડશે, આ ફ્ક્ત કાયદો નથી એનુ અહી કડક રીતે એનો અમલ પણ થાય છે, ઘરની બહાર કચરાપેટી રાખવી પણ સિક્કિમમાં કાનુની રીતે અપરાધ છે. સિક્કિમનો મારો ત્રણ દિવસનો પ્રવાસ હતો , આ પ્રવાસમાં એકય સ્થળે કચરો કે ગંદકી જોઈ નથી.(નોઘઃ મે જ્યારે પ્રવાસ કર્યો હતો ત્યારે ભારતમાં સ્વચ્છતા અભિયાન શરુ નહોતુ થયુ),  અહીં પ્‍લાસ્‍ટિક બેગ પર સખ્‍ત પ્રતિબંધ છે. અહિ મિનરલ વૉટરની બોટલ પણ મળવી મુશ્કેલ છે પણ તમેને દરેક સ્થળ અને હોટલો માં મિનિરલ વૉટર જેવુજ ચોખ્ખુ પાણી મફ્ત માં મળી જશે, ( આ બાબતમાં ગુજરાત ની સ્થિતિ તો તમને ખબર જ છે), અને સૌથી મહત્વની વાત કે સિક્કિમમાં તમેને ક્યાય પાનનો ગલ્લો જોવા નહિ મળે ,ઘણા વર્ષોથી અહી ગુટકા પર પણ પ્રતિબંધ આના ઘણા ફાયદા પણ છે આને લીઘે રાજ્ય ચોખ્ખુ રહે છે, લોકો ને કર્કરોગથી રક્ષણ મળે છે અને સૌથી મહત્વનુ  માવા વગરના મોઢાથી બે લોકો વચ્ચે સંવાદ પણ સારો થાય છે.( નોઘઃ સિક્કિમમાં દારુબંધી નથી).

       
 સિક્કિમ ભારતનું સૌપ્રથમ અને એકમાત્ર સંપૂર્ણપણે ઑર્ગેનિક રાજ્ય છે, આજથી ૧૩ વર્ષ પહેલાં ઈ. સ. ૨૦૦૩ થી સિક્કિમ રાજ્યએ ધીમે-ધીમે કૃત્રિમ રસાયણોને બદલે સંપૂર્ણપણે કુદરતી ખાતરથી ઑર્ગેનિક ખેતી કરવા તરફ આગેકુચ કરી હતી અને આ વર્ષના ફેબ્રુઆરી મહિનામાં આ ઉપલ્બધિ પ્રાપ્ત કરી, આ કાર્યમાં લોકો તરફ થી પણ સારો સહકાર્ય મળ્યો છે.

આ બધી સિદ્ધિનું ઘણુંખરું શ્રેય સિક્કિમના મુખ્ય પ્રધાન પવન કુમાર ચામલિંંગને આપવું પડે, નિર્ણયો લેવામાં પવન ચામલિન્‍ગ એકદમ સખ્‍ત ગણાય છે, અને અહિના લોકપ્રિય નેતા પણ છે, ૧૯૯૪થી એ અહિના મુખ્ય પ્રધાન છે,(પક્ષઃ સિક્કિમ ડેમોક્રેટિક ફ્રંટ, SDF). સિક્કિમ સમગ્ર દેશ માટે રોલમૉડલ સમાન છે.

સિક્કિમ પાસેથી ભારતના બીજા રાજ્યો પણ ઘણી વાત શિખવા જેવી છે, ફ્ક્ત વાતોથી જાહેરાતોથી કે ટૅક્સ વસુલવાથી સ્વચ્છતા લાવી ન શકાય અને પર્યાવરણનુ રક્ષણ પણ ન કરી શકાય એના માટે નક્કર પગલા પણ લેવા પડે અને લોકોમાં પણ જાગૃત્તા લાવવી પડે,આ એક રાજ્યમાં થઈ શકે તો એ સમગ્ર દેશમાં પણ થઈ જ શકે, જરૂર છે ફક્ત સારી નિયતની, જો રાજ્ય સરકાર અને કેન્દ્ર સરકાર સારી નિયત રાખી ને કાર્ય કરે તો સિક્કિમે જે સિદ્ધિ હાસલ કરી છે એ બીજા રાજ્યો પણ બહુ જલ્દી હાસલ કરી શકશે.

આપના અભિપ્રાયની પ્રતિક્ષા કરી રહ્યા છીયે, અને આ લેખ ગમ્યો હોય તો FaceBook,Twitter અને Google+ માં શૅર કરો.

Coolpad કે Foolpad ?

                coolpad મોબાઈલ ફોન નુ નામ તો તમે કયાક તો સાંભળ્યુ હશે,વાંચ્યુ હશે અથવા તમે પોતે કુલપૅડ કંમ્પની નો મોબાઈલ વાપરતા હશો, અને ઘણા લોકો લેવાનુ વિચારતા હશે , હવે પ્રશ્ન એ થાય છે કે ફ્ક્ત online મળતા આવા સ્માર્ટ ફોન ખરીદવા જોઇએ કે નહિ? તમને આ વિશે ગુગલ ,યુટ્યુબ ઉપર ઘણા રિવ્યુ મળશે. પરંતુ આ બધા રિવ્યુ માં એક મુદ્દા ઉપર લોકો ચર્ચા નથી કર્તા અથવા ઓછી કરે છે. એ મુદ્દો એટલે વેચાણ પછી ની સુવિધા(After sale service),

આ લેખ માં  "સસ્તો અને સારી વિશેષતા (features)  હોવા છતા શા માટે આવા મોબાઈલ ન ખરીદવા જોઈએ? " એ વિશે ચર્ચા કરીશુ.



પહેલા આ મોબાઈલ ની વિશેષતા જાણી લઈએ.

Features of Coolpad note-3 & Coolpad note-3 plus 

Price: 8499/- , 9000/-(note-3 plus)
OS: Android
Camera: 13MP & 5MP
Resolution: HD,full HD(note-3 plus)
ROM: 16GB, RAM: 3GB 
Battery : 3000mAH
Special features: Dual SIM, G sensor, Proximity sensor, Light sensor, Gyro Sensor, eCompass, Fingerprint sensor

આવી વિશેષતા જોઈ ને દરેક નુ મન લલચાય જાય,બરોબર ને મિત્રો?

પરંતુ ખરાબ બાજુ આ મોબાઈલ ની એ છે કે હાર્ડવૅર ની ગુણવત્તા ઘણી નિમ્મ્ન કક્ષાની છે, ૩-૬ મહિના ના ઉપયોગ પછી લોકો ને મુશ્કેલી નો સામનો કરવો પડે છે, અને સર્વિસ આપવામાં પણ આ મોબાઈલ ઘણો પાછળ છે( બે-બે મહિના સુધી લોકો ના મોબાઈલ રીપેઈર થતા નથી.) આ મોબાઈલ મે પણ લિધેલો છે એટલે આ મારો પોતાનો જાત અનુભવ છે.

મે coolpad note-3 Dec માં લિઘો હતો, ૬ મહિના બરાબર ચાલયો અને પછી અચાનક ડિસપ્લે બ્લૅન્ક થય ગયુ, ૨૯ જુને મોબાઈલ સર્વિસ સેન્ટર માં આપ્યો, ૧૪-જુલાઈ મોબાઈલ પાછો મળવાની તારીખ આપી.(Expected Return Date), પરંતુ આજ  દિન સુધી મને મારો મોબાઈલ પાછો મળ્યો નથી કસ્ટમર કૅર વાળા એક જ જવાબ  આપી રહ્યા છે કે પાર્ટ્સ ઉપલબ્ધ નથી,એક મહિનો થવા આવ્યો પરંતુ હજી સુધી કંપની એ સર્વિસ સેન્ટર ને પાર્ટસ મોકલ્યા નથી, હુ એકલો જ નહિ ઘણા લોકો મારી જેવી સમસ્યા નો સામનો કરી રહ્યા છે. 

થોડા ઉદાહરણ નીચે પિક્ચર મા આપ્યા છે, અને ઘણા લોકો કુલપૅડ ની સર્વિસ થી અસંતુષ્ટ છે.

તમે મોબાઈલ લેતા પહેતા આ બાજુ ઉપર જરુર ધ્યાન આપજો, મોબાઇલ લીધા પછી તમે આવી સમસ્યા નો સામનો કર્યો છે? જો કર્યો હોય તો કમેન્ટ આપવાનુ ના ભુલશો.

આ લેખ ગમયો હોય તો શૅર કરો અને આપનો અભિપ્રાય આપવાનુ ચૂકશો નહિ. 

ખાશાબા દાદાસાહેબ જાધવ (KD Jadhav) - A forgotten hero

Rio Olympic 2016 ને શુરુ થવાને હવે થોડા દિવસો બાકી રહ્યા છે,આપ સૌ ને ખબર હશે ભારતની વસ્તી અને પ્રતિભા ના પ્રમાણે ભારત નો olympic માં દેખાવ સાવ સાધારણ કક્ષા નો રહ્યો છે, આનુ મુખ્ય કારણ રમત માં થતુ રાજકારણ,રમતવીરો ને મળતી ઓછી સગવડો અને લોકો નો રમત-ગમત વિષે અણગમો છે,હવે સમય બદલાય રહ્યો છે પરંતુ વિશ્વ કક્ષા એ ભારતે આજે પણ ઘણુ પાછળ છે.

ભારત ના olympic માં દેખાવ વિશે સપુર્ણ માહિતી સાથે આવનારા સમય માં લેખ પ્રગટ કરીશ,આજે હુ એવા વ્યક્તિ વિશે માહિતી આપવાનો જેના વગર ભારત નો ઓલિમ્પિક ઈતિહાસ અધુરો છે,આ વ્યક્તિ વિશે બહુ ઓછા લોકો જાણે છે, અને ભારતે સરકારે પણ આ વ્યકિત ની ઉપેક્ષા  કરી હતી,આ વ્યક્તિ એટલે "ખાશાબા દાદાસાહેબ જાધવ".ભારત આઝાદ થયું તે પછી વ્યક્તિગત સ્પર્ધામાં ભારતને પ્રથમ મેડલ અપાવનાર ખેલાડી  એટલે કે .ડી .જાધવ.

કે.ડી.જાધવ વિશે  ની થોડી હકીકતો.

• જન્મ તાઃ ૧૫-૦૧-૧૯૨૬,,ગામ-ગોલેશ્વર (સાતારા,મહારાષ્ટ્ર) .મૃત્યુ: ૧૪-૦૮-૧૯૮૪
• પ્રથમ કુસ્તી (wrestling) કોચ - દાદાસાહેબ જાધવ ( ૫ વર્ષ ની ઉંમ્ર થી પિતા દાદાસાહેબ પાસેથી કુસ્તી માં તાલિમ લેવાની શરુવાત).
• 8 વર્ષની ઉંમરે , તેમણે માત્ર ૨ મિનિટ માં સ્થાનિક ચેમ્પિયન ને હરાવ્યો અને તેમના વિસ્તારમાં નિર્વિવાદ ચેમ્પિયન બન્યા.
• કોલેજમાં તેમના કુસ્તી માર્ગદર્શન બાબુરાવ બાલાવડે અને બેલાપુરી ગુરુજી હતા.
• ભારત છોડો આંદોલન માં પણ સહભાગ લીધો હતો.
• કારર્કિદી શરૂવાતઃ ૧૯૪૮  (finished 6th in the flyweight category in 1948 London olympics)
• ઇંગલિશ કોચ રીસ ગાર્ડન એ ૧૯૪૮ ઓલિમ્પિક ગેમ્સ પહેલાં "કે.ડી .જાધવ" ને તાલીમ આપી હતી.
• ૧૯૫૨ હેલસિંકી (Helsinki) ઓલિમ્પિક- કુસ્તી મા કાસ્યં પદક(bronze medal) જીત્યુ,(bantamweight category -57 kg).
• કુસ્તી માં પદક અપાવનાર પ્રથમ ભારતીય.
• ભારતને વ્યક્તિગત સ્પર્ધામાં પહેલવહેલું ગૌરવ અપાવનાર જાધવ પાસે હેલસિંકી જવાના પૈસા ન હતા.(

  ૭૦૦૦રુ માં મકાન ગીરવે રાખ્યું હતું)

• ઓલિમ્પિક્સમાં જાધવની ભાગીદારી માટે શાહજી લો કોલેજ , કોલ્હાપુર ના આચાર્ય પ્રો.દાભોલકરે પોતાનુ ઘર ગીરવે મુક્યુ હતુ.
• એકમાત્ર ભારતીય ઓલિમ્પિક વિજેતા જેમને પદ્મ એવોર્ડ ક્યારેય પ્રાપ્ત થયો નહિ.
• ૧૯૫૫ માં સબ- ઇન્સ્પેક્ટર તરીકે પોલીસ દળ સાથે જોડાયા.
• મુંબઈમાં પોલીસ ઇન્સ્પેકટર હોવા છતાં  મૃત્યુસુધી તેઓ કારમી ગરીબીમાં જ જીવ્યાં.
• ૧૯૮૪ માં માર્ગ અકસ્માતમાં તેમનુ મૃત્યુ થયુ.
• ભારતને તેમની સફળતા રહી-રહીને યાદ આવી અને ૨૦૧૦ દિલ્હીમાં ઇન્દિરા ગાંધી સ્પોર્ટ્સ કોમ્પલેક્સ ખાતે તેમના માનમા કુસ્તી સ્થળ નુ નામ તેમના નામ પરથી આપવામા આવ્યુ.

મિત્રો જો આપને આ મારો લેખ પસંદ પડયો હોય તો આપના મિત્રો ને પણ શૅર કરજો , અને આપનો આભિપ્રાય આપવાનુ ચુકતા નહિ. 

સ્વાગતમ્

       મિત્રો મારા નવા બ્લૉગ "ગુજરાતીમાં જાણો" માં આપ સૌનુ સ્વાગત છે (knowingujarati.blogspot.com), આ સમયે ઈન્ટરનેટ માં ઘણી માહીતી ઉપલ્પધ છે પરંતુ ગુજરાતી ભાષા માં ઘણી ઓછી છે, મારો આશય ફક્ત લોકો સુધી ગુજરાતી ભાષામાં માહીતી અને મારા વિચારો પ્રગટ કરવાનો છે.
       મને આશા છે આપ સૌ ને આ બ્લોગ ખુબજ પસંદ પડશે, મિત્રો જો આપને આ બ્લોગ કઇ પણ પૉસ્ટ ઉપયોગી લાગે અને ગમે તો જરુર શૅર કરજો ને આપના અભિપ્રાયો આપતા રહેજો.
      મારી ફેસબુક પ્રોફાઇલઃ http://facebook.com/gujface